कवि अदिप्त प्रकाशको 'संवेदनाको विज्ञप्ति' लोकार्पण

काठमाडौँ - कवि अदिप्त प्रकाशद्वारा लिखित कविता सङ्ग्रह 'संवेदनाको विज्ञप्ति' लोकार्पण भएको छ । काठमाडौँको थलीमा बुधबार कवि तथा प्राध्यापक डाक्टर रामप्रसाद ज्ञवालीले उक्त कृतिको लोकार्पण गरेका हुन् । 

लोकार्पण कार्यक्रममा बाेल्दै प्राध्यापक ज्ञवालीले थलीलाई काँठ होइन साहित्यको केन्द्र बन्ने छाँटकाँट रहेकाे भनेर प्रशंसा गरेका थिए । कार्यक्रममा थुप्रै वक्ताले कविको रचना वाचन गरेर कार्यक्रमलाई मन्त्रमुग्ध पारेका थिए । 

लोकार्पित कृतिबारे कवि प्रकाश लम्घालीले समीक्षा र टिप्पणी गरेका थिए । 'संवेदनाको विज्ञप्ति'का श्रष्टा अदिप्त प्रकाशले आफ्नो साहित्यिक यात्रा, कृति रचना अनुभूति पस्कदै सहभागीप्रति कृतज्ञता व्यक्त गरेका थिए ।