न्यायालयको विवाद समाधान नभए संसद्‌मा लानुपर्छ : देव गुरुङ

काठमाडौँ – नेकपा माओवादी केन्द्रका नेता देव गुरुङले न्यायालयको समस्या अदालत आफैंले समाधान गर्न नसके संसदमा लानुपर्ने बताएका छन् । विवाद समाधानका लागि मार्गप्रशस्त गरेर भए पनि समाधान खोज्नुपर्ने र अदालतले नसकेमा संसदमा लानुपर्ने उनको भनाइ छ ।

‘नेपालको संविधानले शक्ति पृथकीकरणको सिद्धान्तलाई अंगीकार गरेको छ । न्यायापालिका स्वायत्त अंग भएकोले अदालतभित्रैबाट यसको समस्याको समाधान गर्नुपर्छ । मार्गप्रशस्त वा के गर्ने त्यहीँबाट हुनुपर्छ,’ माओवादी केन्द्र संसदीय दलका प्रमुख सचेतकसमेत रहेका उनले भने, ‘अदालतले विवाद समाधान गर्न नसके संसदमा लगेर भए पनि विवाद समाधान गर्नुपर्छ ।’ 

काठमाडौंमा बुधबार आयोजित कार्यक्रममा बोल्दै गुरुङले कार्यपालिकाभित्रको समस्या कार्यपालिकाले र व्यवस्थापिकाभित्रको समस्या व्यवस्थापिकाले नै समस्या हल गर्नुपर्ने भन्दै त्यसैअन्तर्गत न्यायालपालिकाभित्रको समस्या न्यायालयले नै हल गर्नुपर्ने तर न्यायपालिकाले नसके व्यवस्थापिकाले समाधान गर्नसक्ने धारणा राखे ।