एमसीसी पास गराउने कुरा छ, मैले र प्रचण्डजीले साइन गरेरै पठाएका छौँ : प्रधानमन्‍त्री देउवा

काठमाडौँ – प्रधानमन्त्री शेरबहादुर देउवाले एमसीसी पास गर्नेबारे छलफल भइरहेको बताएका छन् । बेलायतमा भएको कोप २६ कार्यक्रममा सहभागी भएर बिहीबार नेपाल फर्किएका प्रधानमन्त्री देउवाले त्रिभुवन अन्तर्राष्ट्रिय विमानस्थलमा सञ्चारकर्मीहरूसँग कुरा गर्दै छिट्टै यसबारे पत्रकार सम्मेलन गरेर जानकारी गराउने बताए ।

प्रधानमन्त्री देउवाले एमसीसीको अध्यक्षलाई भेटेर नेपालमा अब छिटै पत्रकार सम्मेलन गरी एमसीसी पास गर्ने बताएको जानकारी दिए । ‘एमसीसीको सम्बन्धमा हाम्रो कुरा भइरहेको छ, त्यसकारण छिटै पत्रकार सम्मेलन गरेर हामी पास गराउने कुरा छ,’ उनले भने, ‘मैले र प्रचण्डजीले साइन गरेरै पठाएका छौँ त ।’