साताको दोस्रो दिन सुनको भाउ ९ सय रुपैयाँले बढ्यो

काठमाडौं : साताको दोस्रो दिन सोमबार सुनको भाउ तोलामा ९ सय रुपैयाँले बढेको छ । लगातारको वृद्धिपछि आइतबार सुनको भाउ स्थिर थियो । सोमबारदेखि फेरि सुनको भाउ बढ्न थालेको हो ।

सुनचाँदी व्यवसायी महासंघका अनुसार सोमबार सुन प्रति तोला ९५ हजार दुई सय रुपैयाँमा कारोबार भइरहेको छ । आइतबार यसको मूल्य प्रति तोला ९४ हजार ३ सय रुपैयाँ थियो ।

सुनसँगै चाँदीको भाउ पनि बढेको छ । चाँदीमा प्रति तोला ४० रुपैयाँ बढेको छ । महासंघका अनुसार सोमबार चाँदी प्रति तोला एक हजार ३ सय २० रुपैयाँमा कारोबार भइरहेको छ ।