नेकपासम्वद्ध युवा संगठनको राष्ट्रिय सम्मेलन दाङमा सुरु

फाइल तस्‍बिर

दाङ- नेत्रविक्रम चन्द नेतृत्वको नेपाल कम्युनिस्ट पार्टी (नेकपा) को युवा संगठन नेपालको चौथो राष्ट्रिय सम्मेलन दाङमा सुरु भएको छ । पार्टी महासचिव चन्दले शनिबार सम्मेलनको उद्घाटन गरेका हुन् ।  

सम्मेलनको उद्घाटनका क्रममा पार्टीसम्वद्ध युवा नेताले पूर्व घोराही बजारमा र्‍याली निकालेका थिए । सम्मेलन आयोजक समितिका संयोजक पाटन जंगलीको अध्यक्षता अधिवेशन सुरु भएको हो । सोमबारसम्म चल्ने सम्मेलनले युवा संगठनको नयाँ नेतृत्व चयन गर्ने जंगलीले जानकारी दिए । अहिले संगठनका प्रतिनिधिहरू नयाँ नेतृत्व छनोट, नीति र विधि निर्माणमा जुटेको उनले बताए ।