लुम्बिनी प्रदेश सभामा एमालेको अवरोध

फाइल तस्‍बिर

बुटवल – प्रमुख प्रतिपक्षी नेकपा एमालेका सांसदले लुम्बिनी प्रदेशसभामा नाराबाजी गरेका छन् । प्रदेशसभाको बिहीबारको बैठकमा एमालेका सांसदहरूले रोष्ट्रमअगाडि उभिएर नाराबाजी गरेका हुन् । स्वच्छचारिता मुर्दावाद, संसदीय सर्वोच्चता कायम गरजस्ता नारा लगाएर उनीहरूले बैठकमा अवरोधमा सृजना गरेका हुन् ।

नेकपा माओवादी केन्द्रका नेता कुलप्रसाद केसी मुख्यमन्त्री भएदेखि एमालेले संसद् चल्न दिएको छैन । माओवादी केन्द्रमा लागेर हाल मन्त्रीसमेत रहेका तत्कालीन एमाले सांसद अजय शाही र बिमाला वली खत्रीलाई निलम्बन नगरेको भन्दै एमालेले संसद्ले बैठक अवरोध गर्दै आएका छन् ।

बिहीबार संघमा पनि एमाले सांसद्ले प्रतिनिधि सभा बैठकमा अवरोध गरेका छन् । एमालेबाट माधव नेपाल नेतृत्वको नेकपा एकीकृत समाजवादी पार्टीमा लागेका सांसदलाई सभामुख अग्नि सापकोटाले कारबाहीको सूचना ननिकालेको भन्दै एमाले सांसद्ले बैठकमा अवरोध गरेका हुन् ।