भारतमा पेगासस आक्रमणको जाँच गर्न निर्देशन

काठमाडौँ - भारतको सर्वोच्च अदालतले पेगासस जासूसी मामलाको जाँच गराउनुपर्ने भनी परेको मुद्दामा फैसला सुनाएको छ । अदालतले पेगासस मामिलासम्बन्धीको जाँचका लागि विज्ञ टोली गठन गरेको छ ।

टोलीले सर्वोच्च अदालतका अवकाश प्राप्त न्यायधीस आर भी रविन्द्रनको अध्यक्षतामा ३ सदस्य छानबिन समिती गठन गर्दै जाँच गर्न निर्देशन दिएको हो । अदालतले समितिलाई पेगासससँग सम्बन्धित आरोपमाथि जाँच गरी अदालतलाई प्रतिवेदन बुझाउन निर्देशन दिएको छ ।

सर्वोच्च अदालतले प्रत्येक हरेक व्यक्तिको गोपनीयताको रक्षा हुनुपर्ने भन्दै स्वतन्त्र रूपमा कार्य गर्नगरी छानबिन गर्न निर्देशन दिएको छ । केही समयअघि भारतमा पेगासस हमला भएको भन्दै थुप्रै पत्रकार नेता तथा अभियान्ताहरूले उजुरी दर्ता गराएका थिए ।