सन् २०३० सम्म कार्बन उत्सर्जन शून्य गर्न ५० अर्ब डलर  चाहिने

काठमाडौँ– राष्ट्रिय योजना आयोगले सन् २०३० सम्म कार्बन उत्सर्जन शून्य गर्न पचास अर्ब अमेरिकी डलर आवश्यक पर्ने जनाएको छ । कार्बन उत्सर्जन शून्य गर्ने (नेट जीरो) रणनीति अनुमोदन गर्दै आयोगले हिमालय क्षेत्रको संरक्षण तथा नवीकरणीय र हरित जलविद्युतमा आधारित उर्जामा नेपालले आफ्नो विशिष्ट मोडल तयार गर्ने जनाएको छ । 

यो रणनीति मन्त्रिपरिषद्ले अनुमोदन गरेपछि आगामी नोभेम्बरमा बेलायतमा आयोजना हुने कोप–२६ मा प्रस्तुत गरिने आयोगले जनाएको छ ।