प्रधान सेनापति शर्मा र युरोपेली राजदूतबीच भेटवार्ता

काठमाडौँ - प्रधानसेनापति महारथी प्रभुराम शर्मा र युरोपेली संघ प्रतिनिधिमण्डलका महामहिम राजदूत नोना डेप्रेजबीच जङ्गी अड्डामा शिष्टाचार भेटवार्ता भएको छ । 

प्रधान सेनापति शर्माको कार्यकक्षमा भएको भेटवार्तामा दुई पक्षीय आपसी हित तथा पारस्परिक सम्बन्धका विषयमा छलफल भएको सेनाले जनाएको छ । यस किसिमको भेटवार्ताले आपसी सम्बन्ध सुमधुर एवं प्रगाढ बनाउन थप मद्दत पुग्ने विश्वास लिइएको सेनाले जारी गरेको विज्ञप्तिमा उल्लेख छ ।