हुम्लामा घर भासिँदा एकै परिवारका ६ जना पुरिए

फाइल तस्‍बिर

सुर्खेत - हुम्लामा अबिरल वर्षपछि पहिरो खसेर घर भासिँदा एकै परिवारका ६ जना पुरिएका छन् । जिल्लाको खार्पुनाथ गाउँपालिका-५ खर्पेगाउँमा एकै परिवारका ६ जना पुरिएका हुन् ।

खर्पेगाउस्थित बिचदउडामा रहेको धनविरे शाहीको घरमा पहिरो खस्दा घरमा रहेका  धनबिरे शाही, कलबहादुर शाही, आसा शाही र उनका ११ , ५ र ३ वर्षीय छोरासहित ६ जना पुरिएका हुन् ।

एकै परिवारका ६ जना पुरिएको  खबर सार्वजनिक भएपछि बुधबार बिहान प्रहरी टोली घटनास्थलतर्फ जान लागेको हुम्लाका प्रमुख डिएसपी हेरम्ब शर्माले जानकारी दिए ।