पहिरोले घर पुरिदा धरानमा दुई बालबालिकाको मृत्यु

विराटनगर - अविरल परेको बर्षापछि गएको पहिरोले सुनसरीको धरानमा एउटा घर पुरिदा दुई बालबालिकाको मृत्यु भएको छ । मृत्यु हुनेमा धरान उपमहानगरपालिका–१३ नागेश्वर मार्गस्थित निसान राईकी ८ वर्षीया छोरी निसु र छोरा ४ वर्षीय निहान राई रहेको प्रहरीले जनाएको छ ।

मङ्गलबार दिउँसो पौने २ बजेतिर घरमाथिबाट खसेको पहिरोले राईको घर पुरिएको थियो । पहिरोले घर पुरिदा घरभित्रै रहेका बालबालिका समेत पुरिएका हुन्  । घटनाको जानकारी पाएलगत्तै ईलाका प्रहरी कार्यालय धरानबाट उद्धारको लागी प्रहरी टोली खटिएको थियो । 

उद्धारमा खटिएको प्रहरी टोलीले दिउँसो साढे ३ बजे मृत अवस्थामा निसु र निहान फेला पारेको जिल्ला प्रहरी कार्यालय सुनसरीले जनाएको छ ।