डोटीमा घर भत्किँदा २ जनाको मृत्यु

सांकेतिक तस्बिर

कैलाली - आइतबारदेखि लगातार भइरहेको वर्षाका कारण डोटीमा घर भत्किँदा २ जनाको मृत्यु भएको छ। सोमबार राति सायल गाउँपालिका–६ मेल्लेखका बीरबहादुर कुन्जेडाको घर भत्किँदा च्यापिएर २ जना मृत्यु भएको इलाका प्रहरी कार्यालय डोटीले जानकारी दिएको छ ।

मृत्यु हुनेहरुमा बिरबहादुर कुन्जेडाका १४ वर्षीय छोरा सागर र ११ वर्षीय आशिष रहेको प्रहरीले जनाएको छ। उक्त स्थानमा उद्दारका लागि प्रहरी निरीक्षक किसन चन्दको कमाण्डको टोली खटिएको प्रदेश प्रहरी कार्यालयका प्रहरी वरिष्ठ उपरीक्षक बिक्रम बहादुर चन्दले बताए । उनले मृतक मध्ये एकजनाको शव निकालिएको र अर्को एकजनाको शव निकाल्ने प्रयास भैरहेको जानकारी दिए ।