नदीमा फसेका दुई जनाको उद्दार

कैलाली - अचानक बाढी आउँदा नदीको बीचमा फसेका दुईजनाको सकुशल उद्दार गरिएको छ । सोमबार साझ गोदावरी नगरपालिका-८ स्याउलेस्थित खुटिया खोलामा बालुवा, ढुङ्गा निकाल्न गएका गोदावरी नगरपालिका-९ बल्मी बस्ने वर्ष ४० को मानबहादुर थापा र उनकी श्रीमती बर्ष ३६ कि रेबु थापालाई सकुशल उद्दार गरिएको जिल्ला प्रहरी कार्यालय कैलालीका प्रहरी उपरीक्षक विश्व अधिकारीले बताए ।

बाढी आउँदा नदीको बीच टापुमा फसेको जानकारी प्राप्त हुनासाथ तत्काल उक्त स्थानमा ईलाका प्रहरी कार्यालय मालाखेती र सशस्त्र प्रहरी बल नं. ४७ गण बनबेहडाबाट संयुक्त रुपमा प्रहरी टोली खटी गई सकुसल उद्दार गरिएको प्रहरी उपरीक्षक अधिकारीले बताए ।