मुक्तिनाथ रेमिटको भुक्तानी आइसीएफसी फाइनान्सको शाखा कार्यालयबाट

काठमाडौँ- मुक्तिनाथ विकास बैंक लिमिटेडको रेमिट सेवा मुक्तिनाथ रेमिटको भुक्तानी अब आइसीएफसी फाइनान्सको शाखा कार्यालयबाट लिन सकिने भएको छ । मुक्तिनाथ विकास बैंक र आइसीएफसी फाइनान्सबीच भएको सम्झौतामा मुक्तिनाथ विकास बैंकको तर्फबाट बैंकका सहायक नायव प्रमुख कार्यकारी अधिकृत तिल बहादुर गरुङ र आइसीएफसी फाइनान्सको तर्फबाट बैंकका नायव प्रमुख कार्यकारी अधिकृत अमित श्रेण्ठले हस्ताक्षर गरेका छन् ।

यस सम्झौतापश्चात मुक्तिनाथ विकास बैंकको रेमिट सेवाको झुक्तानी आइसीएफसी फाइनान्सको २० शाखाबाट सजिलै लिन सकिने छ । यसबाट मुक्तिनाथ रेमिटका ग्राहकलाई रेमिट झुक्तानीका लागि अझ बढि सुविधा मिल्ने बैंकको विश्वास रहेको छ । मुक्तिनाथ रेमिटले आफ्नो कारोबार देशभरी रहेका ४ हजार ५०० भन्दा बढी झुक्तानी केन्द्रबाट गर्दै आइरहेको छ । बैंकले डिजिटल कारोबारलार्ई प्रोत्साहन गर्न यस विकास बैंकको एटीएम मेसिन प्रयोग गरी नेपालभरी रहेको भिसा नेटवर्कमा आवद्ध अन्य जुन सुकै बैंकको एटीएम मेसिनबाट निशुल्क रकम झिक्न सकिने व्यवस्था गरेको छ ।