पहिरोले पृथ्वी राजमार्ग अवरुद्ध

फाइल फोटो

धादिङ - गल्छी गाउँपालिका  वडा नं ७ स्थित गल्छिमा गएरातिदेखि सुक्खा पहिरो खस्दा पृथ्वी राजमार्ग अवरुद्ध भएको छ । सडक विभाग र स्थानीयवासीको संयुक्त प्रयासले पहिरो पन्छाउने काम जारी रहेको गल्छी –७ का वडाध्यक्ष हरि खतिवडाले जानकारी दिए ।  

यातायात अवरुद्ध हुँदा दशैँका लागि घर हिँडेका यात्रुले सास्ती व्यहोर्नु परेको छ । यातायात साधन नचल्दा १० किलोमिटर लामो गाडीको लाम लागेको छ । यसैगरी नौबिसे-नागढुङ्गा सडकमा सवारीसाधन बिग्रिएका कारण यातायात अवरुद्ध भएको छ । सवारीसाधनको चाप भएका कारण यातायात जाम भएको हो । रासस