एमालेद्वारा लुम्बिनी प्रदेश सभा बैठक बहिस्कार

फाइल तस्बिर

बुटवल- प्रतिपक्षी दल नेकपा एमालेले लुम्बिनी प्रदेश सभाको बैठक बहिस्कार गरेको छ। अहिले ४ बजेदेखि सुरु भएको नवौं अधिवेशको सातौं बैठक एमालेले बहिस्कार गरेको हो।

बैठकमा आर्थिक मामिला तथा सहकारी मन्त्री कृष्णध्वज खड्काले प्रतिस्थापन विधेयक पेश गरिरहेका छन्। यसअघि दिउँसो १ बजे बसेको बैठकमा एमालेले नाराबाजी गरेको थियो। पार्टीले कारबाही गरेका सांसदद्वय बिमला वली र अजय शाहीलाई सभामुखले पदमुक्त नगर्दासम्म सदन चल्न नदिने अडान एमालेले लिएको छ।