४१ अंकले बढ्यो नेप्से परिसूचक, कारोबार ३ अर्बभन्दा तल

काठमाडौँ - सेयर बजार मापन गर्ने नेप्से परिसूचक ४१.८४ अंकले बढेको छ । १.६३ प्रतिशतले बढेर नेप्से परिसूचक २६१२.६५ बिन्दुमा पुगेको हो ।

कारोबारमा आएका १३ समूहमध्ये व्यापार समूहको परिसूचकमा भने गिरावट आएको छ । १.८४ प्रतिशतले व्यापार समूहको परिसूचक घटेको छ । त्यसबाहेक १२ समूहका परिसूचकमा वृद्धि भएको छ । सबैभन्दा बढी फाइनान्स समूहको परिसूचक (४.१६ प्रतिशतले) बढेको छ । विकास बैंक समूहको परिसूचक ३.१२ प्रतिशतले बढेको छ ।

मल्टीप्रपोज फाइनान्स, हिमालयन पावर पार्टनर, समता घरेलु लघुवित्त, मैलुङ खोला जलविद्युत्‌, सिभिल लघुवित्त, छ्यांग्दी हाइड्रोपावर र जनउत्थान लघुवित्तको सेयर मूल्य उच्च दर बढेको छ । सबैभन्दा ठूलो गिरावट एनआइशी एसिया लघुवित्तको सेयर मूल्यमा आएको छ ।

४१ हजार ५१ पटकको किनबेचमा ५८ लाख ४२ हजार एक सय ३५ कित्ता सेयर किनबेच भएको छ । दुई अर्ब ९९ करोड रुपैयाँ बराबर कुल सेयर कारोबार भएको छ । शिखर इन्स्योरेन्सको प्रोमोटर सेयरको मूल्य १३ करोड ६६ लाख रुपैयाँ बराबर सेयर कारोबार भएको छ ।