फोर्डको नयाँ गाडी 'फोर्ड एभरेष्ट'को बुकिङ खुल्ला

काठमाडौँ- फोर्ड नेपालले  प्रिमियम एसयूभी सेग्मेन्टमा उद्देश्यमा आधारीत क्षमताहरु भएको फोर्ड एभरेष्टको बुकिङ खुल्ला गरेको छ । फोर्ड नेपालले आफ्नो अन्तर्राष्ट्रिय बजारबाट २ सय १३ पीएस पावर र ५ सय एनएम टर्क  प्रदान गर्ने नयाँ गाडी न्यू एभरेष्ट २.० लि. वाई-टर्बोको नेपाली बजारमा बुकिङ खुल्ला गरेको घोषणा गरेको छ ।

संसारकै पहिलो १० स्पीड अटोमेटिक ट्रान्समिसन र सेलेक्टसिफ्ट सहित जसले सजिलै गति लिन मद्दत गर्दछ र चाहिएको रेन्जमा गियर लक गर्ने लचकता पनि उपलब्ध गराउँछ । ७ वटा एयरब्यागको सुरक्षा,टेरान म्यानेजमेन्ट सिस्टमको क्षमता एडप्टिभ क्रुज कन्ट्रोलको सहजता, आन्टिपिन्च सेन्सर भएको ह्यान्ड्स फ्री पावर लिफ्ट गेट, ८ इन्च टचस्क्रिन सहितको एड्भान्स इन्फोटेन्मेन्ट सिस्टम, डुअल जोन इलेक्ट्रोनिक अटोमेटिक टेक्परेचर कन्ट्रोल, फोर्ड माइकी र अन्य थुप्रै फिचरहरु रहेको जनाएको छ ।  नेपाली बजारमा फोर्ड एभरेष्टको सुरुवाती मूल्य १ करोड ९९ लाख रहेको छ ।

विश्व बजार र एसिया क्षेत्रमा फोर्ड एभरेष्ट एकदमै लोकप्रिय एसयूभी हो । परिवारसँगको यात्रा फोर्ड एभरेष्टले एकदमै आरामदायी बनाउने कम्पनी जनाएको छ। ठूलो गाडी भए पनि एभरेष्ट चलाउन एकदमै सजिलो छ जसमा भएको लाइट स्टेरिङ्गले पाकिङ्ग गर्दा पनि सहज महसुस गराउँछ । यस बाहेक, इन्जिनमा भएको पर्याप्त टर्कको मद्दतले आवश्यक आक्सिलेरेसन पनि सजिलै बढाउन मिल्छ । यस्ता आकर्षक फिचरहरुले फोर्ड एभरेष्ट गाडीलाई ड्राइभिङ्ग गतिशीलतामा विषेश बनाउँछ ।

'फोर्ड एभरेष्ट को साथ हामी प्रयोगकर्ताहरुलाई उत्कृष्ट क्षमता र क्लास लिडिङ्ग फीचर्स दुवैको उत्कृष्ट संगम भएको आकर्षक एसयूभी उपलब्ध गराउँदै छौं । एभरेष्टमा भएको इनह्यान्स भ्यालु प्रोपोजिसन का कारण यो एसयूभी गाडी नयाँ ग्राहकहरुको पहिलो रोजाइ बन्नेछ भन्नेमा हामीलाई पूर्ण विश्वास रहेको जि.ओ. अटोमोवाइल्सका प्रबन्ध निर्देशक आकाश गोल्छा बताउँछन् ।