ट्याक्स हेभन मुलुकहरूमा नेपालीका कागजी कम्पनीबारे खुलासा हुँदै

काठमाडौँ– ट्याक्स हेभन मुलुकहरूमा नेपालीका शेल (कागजी) कम्पनीका सम्बन्धमा इन्टरनेशनल कन्सोर्टीयम अफ इन्भेष्टिगेटिभ जर्नालिस्टस् (आइसीआइजे) ले गरेको खोज ‘प्यान्डोरा–पेपर्स’ आज सार्वजनिक हुँदैछ ।

नेपालमा खोज पत्रकारिता केन्द्रले केही नेपाली व्यापारीहरूको अफशोर लगानीबारे आइसीआइजेसँगको सहकार्यमा तयार पारेको खोजमूलक रिपोर्ट आज राती सवा दश बजे सार्वजनिक हुँदैछ । खोजपत्रकारिता केन्द्रले तयार पारेको उक्त खोजमूलक रिपोर्ट इकागजले आज राती प्रकाशन गर्दैछ । 

यसअघि पनि खोज पत्रकारिता केन्द्रले प्याराडाइज पेपर्स र फिनसेल फाइल्स लिकको नेपाल कनेक्सन सम्बन्धी खोजमूलक सामग्री बाहिर ल्याएको थियो ।