ठूला दलले काम गर्न सकेनन् : पशुपतिशमशेर  राणा

काठमाडौँ – राष्ट्रिय प्रजातन्त्र पार्टीका अध्यक्ष पशुपतिशमशेर राणाले ठूला दलले जनताको म्यान्डेटअनुसार काम गर्न नसकेको दाबी गरेका छन् । बिहीबार आयोजित कार्यकर्ता भेटघाट कार्यक्रममा अध्यक्ष राणाले वर्तमान सत्ता गठबन्धनले जनताको अपेक्षाअनुसार काम गर्ने कुनै सकारात्मक संकेत नदेखाएको जिकिर गरे ।

तत्कालीन नेकपा नेतृत्वको सरकारले पनि जनताका पक्षमा उल्लेख्य काम गर्न नसकेको राणाको भनाइ छ । अध्यक्ष राणाले आगामी निर्वाचनमा साना पार्टीलाई जनताले विजयी गराउनुपर्ने तर्क राख्दै आफ्नो पार्टी कुनै न कुनै गठबन्धनमा सामेल भएर निर्वाचनमा लड्ने जानकारी दिए ।