पत्रकार महासंघले भन्यो, ‘कटौती भएको तलब, सुविधासमेत पत्रकारको तलब १७ गते भित्र दिनू’

काठमाडौँ– नेपाल पत्रकार महासंघले पत्रकारको तलब सुविधा समयमा नदिने सञ्चार गृहहरूलाई असोज १७ गतेभित्र तलबसुविधा दिन आग्रह गरेको छ । 

महासंघको श्रम समितिको आज बसेको बैठकले रेडियो सगरमाथा, अन्नपूर्ण पोष्ट र नागरिक दैनिकमा कार्यरत पत्रकारहरूको तलब समयमा नदिएको, तलब सुविधा कटौती गरेको भन्दै सञ्चारगृहहरूले आफैंले अग्रसरता लिई पत्रकारहरूको तलब सुविधा प्रदान गर्न आग्रह गर्ने निर्णय गरेको महासंघले जनाएको छ । 

महासंघले दिएको समयसीमाभित्र पत्रकारको तलब सुविधा नदिए धर्ना, घेराऊ र कानुनी उपचार एकसाथ खोजी गर्ने बताएको छ ।