बिहारमा सकुशल भेटिए कपनबाट सम्‍पर्कविहीन भएका बालक

सांकेतिक फोटो

काठमाडौँ - काठमाडौँको कपनबाट सम्‍पर्कविहीन भएका एक बालक भारतको बिहारमा सकुशल भेटिएका छन् । सोमबार बूढानीलकण्ठ नगरपालिका-१३ स्थित कपनबाट हराएका भारतको बिहार घर भई कपनको टहरामा बस्दै आएका विनोद शर्माका ४ वर्षीय छोरा पियुस बिहारमा सकुशल भेटिएको महानगरीय प्रहरी परिसर काठमाडौंका प्रहरी वरिष्ठ उपरीक्षक (एसएसपी) अशोक सिंहले जानकारी दिए ।

उनकाअनुसार सोमबार साँझदेखि उनी सम्पर्कविहीन भएका थिए । विनोदकै साथी शंकर दासले उनलाई बिहार लगेको खुलेको उनले इकागजलाई बताए । बालक सकुशल भेटिएसँगै आफन्‍तको जिम्‍मा लगाइएको एसएसपी सिंहले बताए। भारतीय प्रहरीसँगको समन्‍वयमा खोजी गरिएको उनले बताए । घटनाबारे थप अनुसन्‍धान भइरहेको उनको भनाइ छ ।