कांग्रेसको गाउँ तथा नगर अधिवेशनको मिति हेरफेर

काठमाडौँ – सत्तारुढ नेपाली कांग्रेसले गाउँ तथा नगर अधिवेशनको मिति हेरफेर गर्ने तयारी गरेको छ । बिहीबार सिंहदरबारस्थित संसदीय दलको कार्यालयमा पार्टीको निर्वाचन समितिसहित कांग्रेस पदाधिकारी तथा पूर्वपदाधिकारी बैठकमा अधिवेशनको कार्यतालिका हेरफेरका बिषयमा छलफल भएको हो ।

बैठक शुक्रबार बिहान १० बजे पुनः बस्ने र अधिवेशनका साथै क्रियाशील सदस्यताको विवादका विषयमा पनि छलफल हुने एक नेताले जानकारी दिए । शुक्रबार बस्ने बैठकले कांग्रेसले १३ जिल्लामा वडा अधिवेशन र त्यसपछिका अधिवेशनका विषयमा निर्णय लिने बताइएको छ । कांग्रेसको केन्द्रीय महाधिवेशन ९–१३ मंसिरसम्म गर्ने तय भएको छ ।