बेलायतको भिसा नेपालबाटै जारी गर्न माग

फाइल फोटो

काठमाडौँ - नेपालबाटै बेलायतको भिसा जारी गर्न नेपाल उद्योग वाणिज्य महासंघका उपाध्यक्ष चन्द्रप्रसाद ढकालले माग गरेका छन्। नेपालबाट भिसा जारी नहुँदा व्यापार विस्तार हुन नसकेको बताउदै उनले नेपालबाटै भिसा जारी गर्न माग गरेका हुन् । नेपालबाट भिसा जारी हुँदा नेपाल र बेलायतको व्यापार विस्तारमा गुणात्मक वृद्धि हुने उनको भनाइ छ । 

महासंघले मंगलबार काठमाडौंस्थित बेलायती दूतावासको अन्तर्राष्ट्रिय व्यापार विभाग र भिसा तथा आप्रवासन विभागसँगको सहकार्यमा आयोजना गरेको बेलायत भिसा र अध्यागमन विषयक भर्चुअल अन्तरक्रियालाई सम्बोधन गर्दै वरिष्ठ उपाध्यक्ष ढकालले काठमाडौं स्थित बेलायती दूतावासबाटै निजी क्षेत्रका लागि यूके भिसा उपलब्ध गराउनुपर्ने आवश्यकतामा जोड दिए । 

'बेलायती भिसा हाल नेपालबाट प्रत्यक्ष उपलब्ध छैन, जसका कारण यहाँका भिसा आवेदकहरुलाई धेरै कठिनाईहरु र समस्याहरुको सामना गर्नु परिरहेको छ । यसरी हामी सरोकारवााबीचको छलफलमा यो व्यवस्थाबाट उत्पन्न समस्यासँगै समाधानको खोजी हुनेछ भन्ने मेरो विश्वास छ । नेपाली आवेदकहरुका लागि पक्कै पनि सहज र सरल रूपमा भिसा उपलब्ध हुनेछ ' ढकालले भने