इजरायल जान लिइएको लिखित परीक्षामा २,०३९ जना उत्तिर्ण

काठमाडौँ- इजरायल जान 'केयर गिभर' का लागि लिएको लिखित परीक्षाको नतिजा सार्वजनिक भएको छ । लिखित परीक्षामा ६३१७ जना सहभागी भएकामध्ये २०३९ जना भाषा परीक्षामा उत्तिर्ण भएका हुन् । महिला १३९५ र पुरुष ६४४ जना उत्तिर्ण भएका हुन् ।

उत्तिर्ण भएकाहरूको उचाई र तौल तथा अन्तर्वार्ता असोज १ गतेदेखि ९ गतेसम्म हुने वैदेशिक रोजगार विभागले जनाएको छ । विभागकाअनुसार ८ बजेदेखि २ बजेसम्म अन्तर्वार्ता हुनेछ ।

परीक्षामा सहभागी उत्तिर्णलाई अन्तर्वार्ता व्यवसायिक ताथा सिप विकास तालिम प्रतिष्‍ठान भैँसेपाटीमा हुने भएको छ । ७ हजार ९ जनाको आवेदन स्वीकृत भएको थियो । जसमध्ये ६ हजार ३ सय जना परीक्षामा सहभागी भएका थिए । २६९० जनाको आवेदन अस्वीकृत भएको थियो ।

विभागले साउन १२ गतेदेखि आवेदन खुलाएको थियो । २१ दिनपछि आवेदन लिने काम बन्द गरेको थियो । इजरायल पुगेका नेपाली कामदारले करिब १६ अमेरिकी डलर पाउनेछन् ।