पर्साको ग्रामीण भेगमा काठ तस्कर र प्रहरीबीच झडप, ३ राउण्ड हवाइ फायर

प्रतिकात्‍मक तस्‍बिर

वीरगंज - पर्साको पटेर्वा सुगौलीमा आज बिहान काठ तस्कर र प्रहरीबीच झडप भएको छ । पटेर्वासुगौलीको फरहादवाको जङलबाट सालको गोलिया तस्करी गर्ने क्रममा प्रहरीले रोक्न खोज्दा झडप भएको हो । तस्करहरूको समूहलाई प्रहरीले रोक्दा नमानेपछि प्रहरीले हवाईफायर गरेको थियो । 

प्रहरीले ३ राउण्ड हवाइ फायर गरेपछि तस्करहरूले सालको गोलिया छाडेर भागेको पर्सा प्रहरीले जनाएको छ । तस्करहरूको समूहबाट प्रहरीले २ वटा भारतीय नम्बरको मोटरसाइकल र २ थान सालको गोलिया बरामद गरेको पर्सा प्रहरी प्रवक्ता ओमप्रकाश खनालले जानकारी दिए ।