थप ८३० जनामा कोभिड संक्रमण पुष्टि

काठमाडौं : नेपालमा आइतबार थप ८३० जनामा कोभिड–१९ संक्रमण पुष्टि भएको छ । देशका विभिन्न स्थानमा रहेको ७९ प्रयोगशालामा गरिएको परीक्षणका क्रममा ८३० जनामा कोभिड देखिएको स्वास्थ्य मन्त्रालयले जनाएको छ । 

त्यस्तै काठमाडौंमा २५८, ललितपुरमा ६५ र भक्तपुरमा २५ संक्रमित थपिएका छन् । यो संगै नेपालमा कोरोना संक्रमितको संख्या २ लाख ४८ हजार ४२३ पुगेको छ । 
त्यस्तै कोरोनाका कारण थप ९ जनाको ज्यान गएको छ भने हालसम्म १६ सय ९८ जनाले कोरोनाका कारण ज्यान गुमाएका छन् । 

नेपालमा थप १५०० जना कोरोनामुक्त भएका छन् भने हालसम्म २ लाख ३५ हजार ७३१ जना कोरोनामुक्त भएको स्वास्थ्य मन्त्रालयका प्रवक्ता डा जागेश्वर गौतमले जानकारी दिए ।