यादवद्वारा लिखित दुई कृति सार्वजनिक

काठमाडौं : रेखा यादवद्वारा लिखित दुई कृति सार्वजनिक गरिएको छ । शनिबार काठमाडौंमा आयोजित एक कार्यक्रमकाबीच यादवद्वारा लिखित उपन्यास आत्मजा र कविता संग्रह तुम बिनको जनता समाजवादी पार्टी नेपालका अध्यक्ष उपेन्द्र यादवले बिमोचन गरेका हुन् ।

उपन्यास आत्मजा नेपाली भाषामा प्रकाशित गरिएको छ भने कविता संग्रह तुम बिन हिन्दी भाषामा प्रकाशित गरिएको छ । कार्यक्रममा अध्यक्ष यादवले समाजको परिवर्तनमा साहित्यको भूमिका अपरिहार्य रहेको बताए । 

वरिष्ठ साहित्यकार तथा युगपुरुष सत्यमोहन जोशीले पनि आत्मजा र तुम बिनको प्रशंसा गरेका छन् । कोभिडका कारण उनी विमोचन कार्यक्रममा उपस्थित हुन नसकेपछि आफ्नो बधाई सन्देश पठाएका थिए ।