देशभर थपिए ८९९ कोभिड संक्रमित

काठमाडौँ : पछिल्लो २४ घण्टामा ८ सय ९९ जनामा कोभिड–१९ को संक्रमण पुष्टि भएको छ । पाँच हजार २ सय ४२ जनाको पीसीआर परीक्षण गर्दा यती संख्यामा संक्रमण देखिएको हो । 

यो सँगै नेपालमा कोभिड संक्रमितको संख्या दुई लाख ४७ हजार ५ सय ९३ पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार शनिबार देशभर ११ हजार ६ सय ७३ जना सक्रिय संक्रमित छन् ।

पछिल्लो २४ घन्टामा १५ जना कोभिड संक्रमितको मुत्यु भएको मन्त्रालयले जनाएको छ । योसँगै नेपालमा कोभिड संक्रमणबाट मृत्यु हुनेको संख्या एक हजार छ सय ८९ जना पुगेको छ ।

मन्त्रालयका अनुसार शनिबार एक हजार ३ सय ५१ जना संक्रमणमुक्त भएका छन् । योसँगै दुई लाख ३४ हजार २ सय ३१ जना संक्रमणमुक्त भएका छन् ।