एमसीसीविरुद्ध अमेरिकी दूतावासअगाडि प्रदर्शन गर्ने ६ जना पक्राउ

काठमाडौँ - अमेरिकी मिलेनियम च्यालेन्ज कर्पोरेसन (एमसीसी)विरुद्ध दूतावासअगाडि प्रदर्शनमा उत्रेका ६ जनालाई प्रहरीले पक्राउ गरेको छ । एमसीसीविरुद्ध प्रदर्शनमा उत्रिएका मोहन वैद्य नेतृत्वको नेकपा (माओवादी क्रान्तिकारी) निकट अखिल क्रान्तिकारीका ६ जनालाई दूतावासअगाडिबाट प्रहरीले पक्राउ गरेको हो ।

पक्राउ पर्नेमा क्रान्तिकारीका अध्यक्ष हरिकृष्ण गजुरेलसहित ६ जना छन् । गजुरेलकाअनुसार पक्राउ पर्नेमा क्रान्तिकारीका महासचिव पेशल दाहालसहित महेश  श्रेष्ठ, मिनप्रसाद गिरी, लक्ष्मण विक र नवराज तिवारी छन् । उनीहरूलाई महानगरीय वृतमा राखिएको छ ।