देशभर थपिए एक हजार ४४ कोभिड संक्रमित

काठमाडौँ : पछिल्लो २४ घण्टामा एक हजार ४४ जनामा कोभिड–१९ को संक्रमण पुष्टि भएको छ । सात हजार ४ सय १४ जनाको पीसीआर परीक्षण गर्दा यती संख्यामा संक्रमण देखिएको हो । यो सँगै नेपालमा कोभिड संक्रमितको संख्या दुई लाख ४६ हजार ६ सय ९४ पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार शुक्रबार देशभर १२ हजार १ सय ४८ जना सक्रिय संक्रमित छन् ।

पछिल्लो २४ घन्टामा ११ जना कोभिड संक्रमितको मुत्यु भएको मन्त्रालयले जनाएको छ । बिहीबार कोभिडबाट १२ जनाको मृत्यु भएको थियो । योसँगै नेपालमा कोभिड संक्रमणबाट मृत्यु हुनेको संख्या एक हजार छ सय ७४ जना पुगेको छ । मन्त्रालयका अनुसार बिहीबार एक हजार २ सय ७१ जना संक्रमणमुक्त भएका छन् । योसँगै दुई लाख ३२ हजार ८ सय ७२ जना संक्रमणमुक्त भएका छन् ।