सिन्धुपाल्चोकलाई जापानको आठ करोड ३२ लाख रुपैयाँ सहयोग

काठमाडौं– एक जापानी संस्थाले सिन्धुपाल्चोक जिल्लामा कृषि तथा खानेपानी परियोजनाका लागि करिब आठ करोड३२ लाख रुपैयाँ प्रदान गरेको छ । नेपालका लागि जापानका राजदूत किकुता युताका तथा पिस उइन्डस् जापानका राष्ट्रिय व्यवस्थापक यामागुची नाना बीच हस्ताक्षर सम्झौता भएको हो ।

यसले त्यस भेगका जनताका लागि स्वच्छ खानेपानी कृषि सिचाँई जस्ता कुरामा खर्च गरिने जनाइएको छ । कार्यक्रममा नेपालका लागि जापानका राजदूत युताका नेपालको यस्ता सामुदायिक कार्यक्रममा सहयोग गर्न पाउँदा आफु र जापानका जनता सधैं खुसी हुने बताए । कोभिड–१९ का कारणले गर्दा यस्ता कार्यक्रम गर्न केही कठिनाई भएता पनि नेपाल र जापान मिलेर यो कोभिड–१९ लाई परास्त गर्ने उनको भनाइ थियो ।