गोर्खाज फाइनान्ससँग धितोपत्र बोर्डले माग्यो स्पष्टीकरण

काठमाडौँ - गोर्खाज फाइनान्ससँग धितोपत्र बोर्डले स्पष्टीकरण मागेको छ । साधारणसभामा भाग लिने र मतदान गर्ने सेयरधनीको अधिकार हनन भएको विषयलाई लिएर बोर्डले स्पष्टीकरण मागेको हो । 

भदौ ९ गते संचालक समिति बैठकले भदौ २४ गते वार्षिक साधारण सभा तोकेको थियो । साधारण सभामा भागलिने अधिकारबाट सेयरधनिहरुलाई बञ्‍चित गरिएको भन्दै सेयरधनी प्रेमबहादुर खापुङ्गलगायतबाट बोर्डमा उजुरी दर्ता भयो । 

संचालक समिति बैठकबाट साधारण सभाको नयाँ मिति तोक्दा उक्त निर्णय बमोजिमको सुचनामा साधारण सभा प्रयोजनको लागी सेयरधनि दर्ता किताब बन्द हुने समय बैशाख ५ गतेसम्म थियो । नेप्सेमा कारोबार भई सात कार्यदिनभित्र संस्थाको सेयरधनी दर्ताकिताबमा कायम सेयरधनीले मात्र सभामा भागलिन, छलफल गर्न र मतदान गर्न सक्ने भन्दै सूचना प्रकाशन गरेको थियो ।

सञ्‍चालक समितिले निर्णय गर्दाका बखत सेयरधनी दर्ता कितावमा कायम सेयरधनीहरुलाई साधारण सभामा भागलिने र मतदान गर्ने कम्पनी ऐनले प्रत्याभुत गरेको सेयरधनीको अधिकार हनन भएको सेयरधनीहरूको दाबी छ ।

यस विषयमा 'के भएको हो ?' स्पष्ट जानकारी सहितको विवरण तीन दिन भित्र बोर्डमा पेस गर्न बोर्डले निर्देशन दिएको छ । काठमाडौँ जिल्ला प्रशासन कार्यालयले साधारणसभा स्थगित गरिसकेको छ ।

यो पनि :

गोर्खाज फाइनान्सको साधारणसभा रोक्न सिडिओको आदेश

गोर्खाज फाइनान्सको साधारणसभा विवादमा