माइक्रोसफ्ट विन्डोज ११ को रिलिज हुने मिति तोकियो

काठमाडौँ– इन्टरनेट दुनियाँको महारथि माइक्रोसफ्टले आफ्नो महत्वकांक्षी प्रडक्ट माइक्रोसफ्ट ११ को रिलिज हुने मिति तय गरेको छ । अक्टोवर ५ बाट माइक्रोसफ्ट प्रयोगकर्ताले विन्डोज ११को अपडेट प्राप्त गर्ने जनाएको छ । माइक्रोसफ्टले विन्डोज १० प्रयोगकर्ताले सजिलै विन्डोज ११मा अपग्रेड गर्न मिल्ने जानकारी दिएको छ ।

विन्डोज पाइरेटेड वा कपि भएका विन्डोज १० मा भने अपडेटेड प्राप्त गर्ने छैनन् । विन्डोज १० प्रयोगकर्ताहरुले अक्टोबर पाँचबाट नयाँ अप्डेट नोटिफिकेशन प्राप्त गर्ने छन् । माइक्रोसफ्टले विन्डोज ११ मा एन्ड्रोइड सपोर्ट गर्ने जानकारी दिएको छ । तर, पहिलो अप्डेटमा भने एन्ड्रोइड प्रयोग गर्न नसकिने जानकारी दिएको छ । एन्ड्रोइड सपोर्टका लागि भने प्रयोग विन्डोज प्रयोगकर्ताले केहि समय प्रतिक्षा गर्नुपर्ने हुन्छ ।

विन्डोज ११ सर्पोट गर्नका लागि कम्प्युटरमा ६४ बिटमा एक गिगाहर्ज प्रोसेसर ४ जीबी र्‍याम र ६४ जीबी स्टोरेज चाहिन्छ । हाल माइक्रोसफ्टले विन्डोज ११ को बिटा भर्सन टेस्ट गरिरहेको छ ।