नेप्सेका सीइओको राजीनामा प्रस्ताव मन्त्रिपरिषद्‌मा

काठमाडौँ - नेपाल स्टक एक्सचेञ्‍ज (नेप्से)का प्रमुख चन्द्रसिंह साउदले आफ्नो पदबाट दिएको राजीनामा स्वीकृति प्रस्ताव मन्त्रिपरिषद्‌मा पुगेको छ । मन्त्रिपरिषद्‌ले उनको राजीनामा स्वीकृत गरेपछि उनी पदमुक्त हुनेछन् । 

नेप्सेका प्रमुखलाई मन्त्रिपरिषद्‌बाटै नियुक्ति गर्ने व्यवस्था भएकाले उनको राजीनामा त्यतैबाट स्वीकृत हुने व्यवस्था छ । आफ्नो पत्नीमार्पत सर्वोत्तम सिमेन्ट उद्योगको सेयर खरिद गरेको आरोप लागेपछि साउदले पदबाट राजीनामा दिएका थिए । 

करिब एक महिना कार्यकाल बाँकी रहँदै उनले सोहीदिनबाट लागू हुने गरि राजीनामा दिएका थिए । उनको राजीनामा स्वीकृतिका लागि मन्त्रिपरिषद्‌‌मा अर्थ मन्त्रालयले लगेको हो ।