पार्टी छाडेर जानेलाई फर्काउने प्रयत्‍न भइरहेको छ : पाण्डे

बुटवल - नेकपा एमालेका स्थायी कमिटी सदस्य सुरेन्द्र पाण्डेले पार्टी छोडेर गएकाहरूलाई फर्काउने प्रयत्‍न जारी रहने बताएका छन् । शनिबार बुटवलमा स्टडी सर्कल लुम्बिनीले आयोजना गरेको खुल्ला बहस कार्यक्रममा स्थायी कमिटी सदस्य पाण्डेले अब पार्टी एक ढिक्का भएर अगाडि बढ्ने र विभिन्न ढंगले पार्टी छोडेर बाहिरिएका नेता तथा कार्यकर्ताहरूलाई पार्टीमा फर्काउने प्रयत्‍न रहने बताए । 

एमाले विभाजन भएर ठूलो समूहलाई अलग्याउन खाजेको समूह सफल नभएपछि आफूसहितका केही नेताहरूमाथि अनावश्यक आरोप लगाउन थालेको पूर्वमन्त्री समेत रहेका नेता पाण्डेले बताए । 

पाण्डेले माओवादीका अध्यक्ष प्रचण्ड एमाले विभाजनका लागि निकै मेहनतका साथ लागेको र अहिले पनि विभिन्‍न योजना बनाएर एमालेमा रहेका नेताहरू माधवकुमार नेपाल समूहमा तान्‍ने प्रयास भइरहेको बताए ।