माधवसहितका ५४ नेताको हस्ताक्षर प्रमाणीकरण

काठमाडौं - माधवकुमार नेपाल नेतृत्वको प्रस्‍तावित  नेकपा (एकीकृत समाजवादी)ले निर्वाचन आयोगमा बुझाएका ५८ जना केन्द्रीय सदस्य मध्ये ५४ जनाको मात्रै हस्ताक्षर प्रमाणीकरण भएको छ । निर्वाचन आयोगले तोकेको समयसिमा अनुसार बुधवार निर्वाचन आयोग गएकामध्ये चारजनाको हस्ताक्षर प्रमाणीकरण भने हुन सकेन । 

आयोगमा गत साता बुझाएको सूचीमा हस्ताक्षर गरेका नेताहरूमध्ये केन्द्रीय सदस्य भाष्कर काफ्ले भने निर्वाचन आयोगमा अनुपस्थित भएका छन् । नेकपा एमाले विभाजन गरी नेकपा (एस) गठन गरे पनि नेपालका वरिष्ठ नेता झलनाथ खनाल, माधव नेपालका सम्धी सोमप्रसाद पाण्डेलगायतको हस्ताक्षर भने प्रमाणीकरण हुन सकेको छैन । सुरुको सूचीमा हस्ताक्षर नगरेका कारण उनीहरूले हस्ताक्षर गर्न नपाएका हुन् ।