माधव नेपालप्रति ओलीको टिप्‍पणी: 'घर जलाउने, अनी खरानी बेच्ने ?

काठमाडौँ - नेकपा एमालेका अध्यक्ष केपी शर्मा ओलीले माधव नेपालले गरेको वृहत् कम्युनिष्ट एकताको कुरा चटक मात्रै भएको टिप्पणी गरेका छन् । बुधबार एमालेले गरेको पत्रकार सम्मेलनमा उनले एमालेबाहेकको वृहत् कम्युनिष्‍ट एकता हुनै नसक्‍ने ठोकुवा गरे । 'माधव नेपालले वृहत कम्युनिष्ट एकता गर्ने ?

चटकी कुरा हुन्,' उनले भने, 'घर जलाउने अनी खरानी बेच्ने ? ती फाल्तु कुरा हुन् ।  वृहत एकता भनेको के हो ? एमाले वृहत कम्युनिष्ट एकता हो । जसका लाखौं कार्यकर्ता छन् । १० लाख सदस्य छन्। नेपाल मात्रै होइन जहाँ नेपाली पुग्या छन् त्यहाँ एमाले पुग्या छ । अनि कसलाई वृहत् बनाउने ? टुक्रा जम्मा गरेर सय पनि पुग्दैन ।'