पार्टी कार्यालयमै रिले अनसन बस्दै कांग्रेस जिल्ला सभापतिहरू

फाइल तस्‍बिर

काठमाडौँ - नेपाली कांग्रसको संस्थापनइतर समूहका जिल्ला सभापतिहरूले आजदेखि रिले अनसनमा सुरु गर्ने भएका छन् । क्रियाशील सदस्यताको सूची सार्वजनिक गर्नुपर्नेलगायत माग राखेर मंगलबार पार्टी केन्द्रीय कार्यालयमा धर्ना दिएका उनीहरूले आजबाट रिले अनसन सुरु गर्ने भएका हुन् । 

तीन बुँदे मागसहित बस्न लागएिको २४ घण्टे रिले अनसनको पहिलो दिन आज काभ्रेका सभापति मधु आचार्य, नुवाकोटका जगदीश्वर नरसिंह केसी र धदिङका रमेश धमला अनसन बस्न लागेको सिन्धुपाल्‍चोकका जिल्ला सभापति विकाश लामाले जानकारी दिए । उनकाअनुसार उनीहरू २४ घण्टा बसेपछि अन्य जिल्लाका तीन जना बस्नेछन् ।

मंगलबार धर्ना कार्यक्रममा पुगेर नेपाली काँग्रेसका नेताहरू शेखर कोइराला, अर्जुन नरसिंह केसी र गगन थापालगायतले ऐक्यबद्धता जनाएका थिए । नेपाली काँग्रेसको १४ औं महाधिवेशन आगामी मंसिर ९ गतेदेखि १३ गतेसम्म काठमाडौंमा हुने मिति तोकिएको छ । सोही कार्यक्रमअन्‍तरगत भदौ १८ गतेबाट वडा अधिवेशन सुरु गर्ने कार्यतालिका छ ।