चाक्‍सीबारीमा कांग्रेस संस्‍थापनइतरका नेताहरूको छलफल

काठमाडौँ - नेपाली कांग्रेस संस्थापनइतर समूहका नेताहरू छलफलमा जुटेका छन् । प्रकाशमान सिंहको निवास चाक्सीबारीमा बुधबार बिहानै नेताहरू छलफलमा जुटेका हुन् । छलफलमा वरिष्ठ नेता रामचन्द्र पौडेलसहित शशांक कोइराला, नेता सिंह र अर्जुननरसिंह केसीलगायतका नेताहरू सहभागी छन् ।

महाधिवेशन केन्‍द्रित छलफलमा नेताहरू जुटेको सिंहका प्रेस सहयोगि यूपी लामिछानेले जानकारी दिए । उनकाअनुसा भदौ १८ बाट सुरु हुने वडा अधिवेशन, क्रियाशील सदस्‍यता र जिल्‍ला सभापतिहरूले सुरु गरेको धर्नाका विषयमा कुराकानी हुनेछ ।

केही दिनअगाडि पौडेल पक्षले बत्तिसपुतलीमा छलफल गरेर आफ्ना तर्फबाट भदौ १८ अघि नै सभापतिको उम्मेदवार चयन गर्ने सहमित गरेको थियो । तर, आजको छलफल भने भिन्नै भएको लामिछानेले बताए ।