लुम्बिनीका सांसद पन्थी र न्यौपानेलाई पुनर्बहाली गर्न सर्वोच्चले दिएन अन्तरिम आदेश

काठमाडौँ - लुम्बिनी प्रदेश सभा सदस्य पद गुमाएका दिनेश पन्थी र दधिराम न्यौपानेले आफूहरूलाई पुनर्बहाली गर्न दिएको रिटमा सर्वोच्च अदालतले अन्तरिम आदेश दिन अस्वीकार गरेको छ ।

मंगलबार न्यायाधीश दीपककुमार कार्की र हरिप्रसाद फुयालको इजलासले माओवादीले दल त्याग गरेको भन्दै कारबाही गरेका प्रदेश सांसदद्वय पन्थी र न्यौपानेलाई पुनर्बहाली गर्न अन्तरिम आदेश दिन अस्वीकार गरेको हो ।

माओवादी केन्द्रले २२ चैतमा एमाले प्रवेश गरेका उनीहरूलाई कारबाही गरेपछि प्रदेश सभा सदस्य पद गुमेको थियो । त्यो निर्णय कार्यान्वयन नगर्न माग गर्दै पन्थी र न्यौपाने सर्वोच्च पुगेका थिए । तर सर्वोच्चले पन्थी र न्यौपाने एमाले प्रवेश गरिसकेको देखिएको भन्दै अन्तरिम आदेश दिन अस्वीकार गरेको हो । 

यस्तो छ सर्वोच्चको आदेश :