‘आफ्ना’को आगामी योजनाबारे पूर्वराजदूतहरूबीच छलफल

काठमाडौँ – पूर्वराजदूत एशोशिएशन, नेपाल (आफ्ना)ले एकदिने कार्यशाला शुक्रबार काठमाडौंमा आयोजना गरेको छ । आफ्नाले काठमाडौंस्थित गोकर्ण रिसोर्टमा आयोजना गरेको कार्यशालामा नेपाली राजदूतको जिम्मेवारीमा विभिन्न मुलुक पुगेर काम गरिसकेका पूर्वराजदूतले आ-आफ्नो धारणा राखेका छन् । 

आफ्नाका अध्यक्ष तथा स्विट्जरल्यान्डमा पूर्वराजदूत रहेका शम्भुराम सिम्खडाले कार्यशालाको अध्यक्षता गरेका थिए । यस्तै उपाध्यक्ष प्रोफेसर चोपलाल भुसाल, लक्की शेर्पाले कार्यशालाको उद्देश्य र एजेन्डामाथि प्रकाश पारेका थिए । कार्यशालामा अध्यक्ष सिम्खडाले आफ्नाको प्रमुख एजेन्डा प्रस्तुत गर्दै आगामी कार्ययोजनाबारे धारण राखेका थिए । 

डा.भेषबहादुर थापा, दीपकुमार उपाध्याय, अर्जुनजंगबहादुर सिंह, विश्वंभर प्याकुरेल, परमेश्वर हमाल, डा.अर्जुन कार्की, विजयकान्त कर्ण र भीम उदासलगायतले आफ्नो धारणा राखेका थिए । आफ्नाले संस्थाको आगामी योजनाबारे छलफल गर्दै निष्कर्षमा पुग्नका लागि कार्यशाला आयोजना गर्दै छलफल गरेको बताइएको छ ।

कार्यशालामा आफ्नाका विभिन्न एजेन्डा र मुद्दाहरुमा व्यापक छलफल गर्दै आगामी रणनीति, लक्ष्य र गतिविधिहरू पनि छलफल भएकाे थियाे । नेपालको संविधानले निर्दिष्ट गरेका राष्ट्रिय लक्ष्यहरूमा विदेशबाट हुनसक्ने सहयोगमा कुटनीतिक समन्वय गर्नु नै आफ्नाको प्रमुख उद्देश्य हाे ।