बसको ठक्करबाट मोटरसाइकल चालकको मृत्यु

जनकपुरधाम : धनुषामा यात्रुबाहक बसले मोटरसाइकललाई ठक्कर दिँदा मोटरसाइकल चालकको मृत्युु भएको छ । गएराति पूर्वपश्चिम राजमार्गअन्तरगत धनुषाको विरेन्द्रबजारमा बसको ठक्करबाट मोटरसाइकल चालक मिथिला नगरपालिका ६ ढल्केवरका ३७ वर्षीय विवेक बस्नेतको मृत्यु भएको हो । 

इलाका प्रहरी कार्यालय ढल्केवरका अनुसार विराटनगरबाट यात्रु लिएर काठमाडौतर्फ गइरहेको ना ५ ख ६१२३ नम्बरको यात्रुबाहक बसले ढल्केवरबाट गोदारतर्फ आइरहेको ज ११ प ९५८८ नम्बरको मोटरसाइकललाई ठक्कर दिएको प्रहरीले जनाएको छ ।

बस र चालक दुवैलाई नियन्त्रणमा लिई कारवाही प्रक्रियाअघि बढाइएको ईप्रका ढल्केवरले जनाएको छ । घटना पश्चात यात्रुहरू बिहानसम्म विरेन्द्रबजारमै अलपत्र परेका थिए । केहीलाई सोमबार राति र केहीलाई मंगलबार बिहान अर्को बसमा गन्तव्यमा पठाइएको थियो ।