महिला एसियन कप छनौटः असोज २ मा नेपालले फिलिपिन्ससँग खेल्ने

काठमाडौँ- नेपालको राष्ट्रिय महिला फुटबल टिमले २०२२ महिला एसिया कपको छनौट खेल्दैछ । उज्वेकिस्तानको तास्केन्टमा हुने छनौटमा नेपालले फिलिपिन्स र हङकङको सामना गर्नेछ । एसियन फुटबल महासंघ (एएफसी) ले छनौट तालिका सार्वजनिक गरेको छ । 

तालिकाअनुसार नेपालले पहिलो खेल फिलिपिन्ससँग असोज २ मा खेल्नेछ । त्यसको तीन दिनपछि नेपालको भेट हङकङसँग हुनेछ । दुवै खेल तास्केन्टको जेएआर रंगशालमा हुनेछन् । समूहको अन्तिम खेलमा हङकङ र फिलिपिन्स भिड्नेछन् । सो खेल असोज शुक्रबार खेलिनेछ । 

यी तीन टिम रहेको समूह एफबाट समूह विजेता एसियन कपका लागि छनौट हुनेछन् । महिला एसियन कप भारतमा हुँदैछ । एसियन कप माघ ६ देखि २३ गतेसम्म आयोजना हुँदैछ ।