पाँच किलो यार्सागुम्बासहित विमानस्थलबाट नुर्वु तामाङ पक्राउ

फाइल फोटो

हुम्ला - हुम्ला प्रहरीले सिमकोट विमानस्थलबाट पाँच किलाे यार्सागुम्बा बरामद गरेको छ । शुक्रबार नेपालगञ्जबाट सिमकोट गएको तारा एयरको विमानबाट यार्सागुम्बा बरामद गरिएकाे हाे ।

विमानस्थलमा प्रहरीले नियमित जाँच गर्ने क्रममा बिनापुर्जीको पाँच किलाे यार्सागुम्बा भेटाएपछि बरामद गरेर जिल्ला डिभिजन वन कार्यालयमा पठाइएको हुम्लाका प्रहरी नायव उपरीक्षक हेरम्बा शर्माले जानकारी दिए । ३१ वर्षीय नुर्वु तामाङले बिनापुर्जी ल्याउँदै गरेको यार्सागुम्बा बरामद गरिएको उनले बताए ।

‘डिभिजन वन कार्यालय बझाङले दुई केजीको छुट पुर्जी दिएको भए पनि तामाङले मापदण्ड मिचेर यार्सागुम्बा ल्याएपछि उक्त सामान बरामद गरिएको हो,’ उनले भने । राजश्व तिरेको पुर्जीभन्दा बढी यार्सागुम्बा ल्याएको हुनाले यार्सासहित तामाङलाई नियन्त्रणमा लिएर जिल्ला डिभिजन वन कार्यालय हुम्लाको जिम्मा लगाइएको प्रहरीले जानकारी दिएको छ ।