जुम्लाको ताम्ती गाउँमा पहिरोमा पुरिएर तीन जनाको मृत्यु

फाइल फोटो

जुम्ला - जुम्लामा पहिरोमा पुरिएका तीन जना मृत्यु भएको छ । तातोपानी गाउँपालिका ७ ताम्ती गाउँका तीन जनाको पहिरोमा परेर मृत्यु भएको जुम्लाका सहायक प्रमुख जिल्ला अधिकारी नन्दराम चौलागाइले जानकारी दिए ।

उनका अनुसार पाटनबाट घर फर्कदै गरेका एक महिलासहित दुई पुरुषको पहिरोमा पुरिएर मृत्यु भएको हो । फोन सम्पर्क हुन नसकेकाले मृत्तकको सनाखत हुन नसकेको उनले बताए । 

स्थानीय वडाध्यक्षको टोली घटनास्थलतर्फ गइरहेको उनले बताए । जडीबुटिका लागि पाटन गएका उनीहरु फर्किने क्रममा पहिरोमा पुरिएको बताइएको छ । घटनाबारे विस्तृत विवरण आउन बाँकी छ ।