मौद्रिक नीति : निक्षेप संकलन दर र रिपो दर बढ्यो

काठमाडौँ - सरकारले मौद्रक नीतिमा निक्षेप संकलन बढेको उल्लेख गरेको छ । आज सार्वजनिक मौद्रिक नीतिमा बैंक तथा वित्तिय संस्थाहरूले कायम गर्नुपर्ने नगद अनुपात तीन प्रतिशतको व्यवस्था यथावत रहेको पनि बताइएको छ ।

सञ्चालन लक्ष्य तथा उपकरणहरू 

- बैंक तथा वित्तीय संस्थाहरूले कायम गर्नु पर्ने नगद अनुपात ३ प्रतिशतको व्यवस्था यथावत

- बैंक तथा वित्तीय संस्थाले अन्तिम ऋणदाता सुविधाको रुपमा उपयोग गर्ने दरलाई पाँच प्रतिशतमा यथावत

- ब्याजदर करिडोरको माथिल्लो सीमाको रुपमा रहेको स्थायी तरलता सुविधादर ५ प्रतिशत यथावत

- तल्लो सीमाको रुपमा रहेको निक्षेप संकलन दरलाई १ प्रतिशतबाट दुई प्रतिशत र नीतिगत दरको रुपमा रहेको रिपो दरलाई ३ प्रतिशतबाट ३.५० प्रतिशत कायम गरिएको छ । 

- खुल्ला बजार कारोबारलाई थप सक्रिय बनाई ब्याजदर करिडोरको व्यवस्थालाई प्रभावकारी बनाइनेछ ।

- वाणिज्य बैंक, विकास बैंक र वित्त कम्पनीले कायम गर्नुपर्ने वैधानिक तरलता अनुपात १०, ८, ७ प्रतिशत कायम गरिएको छ ।