मैनबत्ती बालेर कूलमानको स्वागत

काठमाडौँ - नेपाल विद्युत प्राधिकरणको कार्यकारी निर्देशकमा कूलमान घिसिङ फेरि नियुक्त भएपछि काठमाडौँ उपत्यकाबासीमा खुशियाली छाएको छ । यसअघि १८ घण्टा लामो लोडसेडिङ हटाएर ऐतिहासिक काम गरेका उनलाई सरकारले मंगलबार फेरि प्राधिकरणको कार्यकारी निर्देशकमा नियुक्त गरेको हो ।

नियुक्त पत्र पाएपछि रत्नपार्क पुगेर प्राधिकरणको नेतृत्व सम्हालेका कूलमान फर्किदाको खुशियालीमा काठमाडौँको बौद्धमा मैनबत्ती बालेर स्वागत गरिएको थियो । बौद्धमा भेला भएका स्थानीयले मैनबत्ती बालेर कूलमानको स्वागतसँगै सफल कार्यकालको कामना गरेका थिए ।

यसअघि कूलमान नियुक्ती भएको खबर आउन थालेपछि सोमबार नै माइतीघर मण्डलामा पनि मैनबत्ती बालेर खुशियाली मनाइएको थियो । पछिल्लो समय काठमाडौँ उपत्यकासँग देशका विभिन्न ठाउँमा बेला बेला घण्टौ बत्ती जाने समस्या थियो ।