जाँदाजाँदै पोख्रेलले गरे मेसु सरुवादेखि खेलकुद परिषद् सदस्य मनोनयनसम्म

बुटवल - लुम्बिनी प्रदेशका मुख्यमन्त्री श‌कर पोखरेलले राजीनामा दिनुअघि मन्त्रिपरिषद् बैठकबाट विभिन्न ६ निर्णय गरेका छन् । मन्त्रिपरिषद् बैठकपछि प्रदेश सरकारका प्रवक्ता बैजनाथ चौधरीले कोभिड-१९ महामारीमा खटेका स्वास्थ्यकर्मी तथा अग्रपङ्तीमा रहेर काम गरेका कर्मचारीहरूलाई जोखिम भत्ता उपलब्ध गराउने निर्णय गरेको जानकारी दिए ।

सरकारले आइसोलेसन अस्पतालहरूको अस्थायी दरबन्दी स्वीकृत गरी कार्यरत जनशक्तिहरूको म्यादसमेत थप गर्ने निर्णय गरेको छ ।  यसैगरी लुम्बिनी प्रादेशिक अस्पतालका मेडिकल सुपरिटेण्डेन्ट डा राजेन्द्र खनाललाई स्थानन्तरण गरी अस्पतालका रेडियोलोजिस्ट इन्द्र ढकाललाई प्रमुखको जिम्मवारी दिने निर्णय गरेको छ ।

मुख्यमन्त्री पोखरेल नेतृत्वको अन्तिम मन्त्रिपरिषद बैठकले प्रदेश विपद व्यवस्थापन कार्य सञ्‍चालन दोस्रो संशोधन निर्देशिका २०७८ लाई स्कीकृत गरेको छ । बैठकले प्रदेश खेलकुद परिषद्को सदस्यको मनोनयन गरेको छ। त्यस्तै आर्थिक वर्ष २०७८र७९ मा उद्योगहरूको दर्ता दस्तुरमा पूर्ण छुट प्रदान गर्ने निर्णय गरेको छ ।