नेटफ्लिक्सका लागि ‘हिरामन्डी’ बनाउँदै सञ्जयलीला भन्साली

मुम्बई :  सोमबार मात्र सञ्जय लीला भन्सालीको फिल्म यात्राले २५ वर्ष पूरा गर्यो । बलिउडका लगभग सबै ठूला स्टारसँग काम गरेका भन्सालीका केही फिल्मले व्यापार गरेनन्, तर ती फिल्ममा पनि उनले केही न केही विशेष छाप छाडेको समीक्षक बताउँछन् । पछिल्लो समय ऐतिहासिक विषयमा फिल्म बनाउँदै आएका भन्सालीले मंगलबार भने नेटफ्लिक्सका लागि सिरिज बनाउने घोषणा गरेका छन् । 

‘हिरामन्डी’ नाममा सिरिज बनाउने घोषणा गरेका उनले सिरिजले भारत विभाजनपूर्व लाहोरमा वेश्यावृत्ति गर्ने वेश्याको कथा प्रस्तुत गर्ने बताए । भन्सालीले भर्खरै मात्र मुम्बईमा आधारित यस्तै वेश्याको कथामा ‘गंगुबाई कठैयावाडी’ शीर्षकको फिल्म सकेका छन् ।

यो फिल्ममा आलिया भट्ट र अजय देवगन मुख्य भूमिकामा छन् । भन्सालीले लामो समयदेखि ‘हिरामन्डी’ मा फिल्म बनाउने चाहाना व्यक्त गर्दै आएका थिए । तर, अब भने यो सिरिजको रुपमा आउनेछ ।